Êmon
Di kinişteke kevnik de, cê ku lê komeleke xwebexş alîkariya penaberan dikir, Êmon ê Inglîz, penaber fêrî zimanê Ingilîzî dikirin. Her sibe bi piskilêtê xwe berê xwe dida wê kiniştê, ji nehê sibê ta bi diwazdê nîro wî hejmareke penaber fêrî zimên dikirin. Êmon mamosteyekî xanenşîn bû, temenê wî heftê û heşt sal bû, lê te digo qey hîn di navbera çel û pêncî de ye. Bi dilgermî û dilsozî ew kar berdewam dikir. Di hevpeyvîneke kurt û li ser linga min xwe bera nav hinek razên wî da û têde vexebitîm da ku hinek veşartiyên jiyana wî nasbikim. Berî temenê xanenşîniyê, ku li welatê Brîtanya bûye 67 sal, ji ber nexweşiya dil hatibû şandin nexweşxaneyê û sînga wî vekiribûn û du damarên xwînê ku hatibûn girtin jêre guhertibûn, tevî wilo jî piştî biser xwe ve hatibû vegeriyabû karê xwe wek mamoste. Êmon bi keser pêvajoya jiyanê dinirixand û weha digot : Xanenşînî ne xweşe. Piştî ewqas sal ji nişkekê ve tu xwe dibîne vala, roj li mirov dibin sal, tu dike nake ew valahiya ku kar di jiyana te de hiştiye nayê dagirtin.
Spas ji xwedê re û spas ji vê komelê re ku ji nû ve jiyana min bi saya wan geşbûye.
Êmon di nav penaberan de rûdinişt bi wan re çayê vedixwar, li rewşa wan dipirsî û li serpêhatiyên wan guhdarîdikir, her bi geşbînî û girnijîn nav di wan dida û hêviyên gulgulî di di tabloya jiyanê de dikêşand.
Êmon digot gereke temenê xanenşîniyê bê sînor be, bela temenek nîşankirî hebe lê eger mirov nexwaze gerek desthilat bi zorê mirov ji kar dernexîne. Wî didît ku hîn kaniya danê li cem wî dagirtiye û neçikiya ye, ew kaniya ku pê tîna gelek penaberan şikenand û hîn jî berdewam bû.
Roja sêşemê Êmon nehat kiniştê, çarşemê jî nehat, dema xwendekarên wî lê dipirsîn rêveberiya komelê tu bersiv nedida, nizanîbûn çima nayê, tenê digotin em telefona wî dikin bersivê nade. Piştî sê rojan Êmon mirî hat dîtin, di nav nivîna xwe de bi asayî û bêdengî jiyana xwe ji destdabû. Êmon xwe ji rakariyê re danexist û bi xwebexşî hezkirina xwe ji kar re berdewamkir ta ku bi hêmenî giyanê wî weke kevokeke sipî bi nermayî ji canê wî kişiya û di ezmanê bajarê Lîverpûl de bi sira bê re digirnijî û dikeniya.
--------------
ROJEK XEMGÎN
Di şeveke tarî û xemgîn de
Dema ku gur li heyva sar
Dizûriyan
Me gav bi ber windabûnê de avêtin
Li şûn xwe hişt
Dîwarên biqîrîn
Rûçkên daranî bêzar
Û girek ji raboriyan
Li welatekî jarî westiyayî
Wê rojê
Me mirin li bejna xwe kir
Ji higî ve
Em li giyanê xwe digerin.
-----
EFRÎN BÛKA KURDISTAN E
Temaşe kin li vê rewşê
Wêran kirin. ev
Ne nervîna. bê oxir e
Evin berhemên nezanî
Efrîn bûka Kurdistan e
Kê ew firot bi
Rengê buhişta Yezdan e
Kê ev hirç bi ser de anî
Gund û bajar vala
Dagîrker li şûnê
Tev koçberbûn kes lê nema
Ne malxwê û ne kebanî
Binpê kirin gul û nêrgiz
Dagîr kirin bi hêsanî
Tenderew tev lê civandin
Çete kujer û
Bûn penaber û derbider
Çûn kolanan bi mêvanî
Ew kulîlkên nû
Bi hezaran bûn qurbanî
Li xwe veger êdî bes e
Ma qey xwîna me bû kanî
Rêkeftina
Lê kêr nakin daxuyanî
Ger tu tê de ne lîskvan bî
Ne beşdar bî bi hozanî
Piştguh dibe her doza te
Para te her
Ger derfetê nedî zana
Peyda nakin tu ervanî
Efrîn bûka kurdistan e
Kê reşdêw bi ser de anî
0 Komênt